ويا الفجر يوم العيد وي نحر النحور
صدام قدم للوطن روحه0000
أجى مثل الأسد مجروح 00يمشي وتضك جروحه
هم شايف جبل ينقاد0
وإذا شفت الجبل مقيود 0
تلكى العله بسفوحه
مثل النخل مثل النخل مات وقوف
شاخص شامخه صروحه
لو هيج الرجال تموت
لو غم الرجال تموت 00 بموت ماسخ مابه ملوحه
بكيت00وما بكيت عليك 00 بكيت عله الزمان الضمك بلوحه
وبجى حتى الفرات عليك ونهر دجله أنتحر موحه
إذاً00 تستاهل ينوح عليك شاعر ما بطل نوحه
لأن أنت الوحيد الذي خليت00
المشانق للرجال تصير مرجوحه
000 رغد يارغد لا تبجين0 بس دمعة حزن للزين مسموحه
أبوج ألكتب أسمه بجبهة التاريخ
كعبه الوطن عنده وعاليه سطوحه
الزمن والوطن يشهد لابو الليثين
ولو آنا شهادتي بصدام مجروحه
ما دنغ براسه وأنحنى للجلاد
رغم سلسلو رجله وشدوا جفوفه
رفض يلبس نقاب الموت00
ضحك عالموت بسنه وعينا تشوفه
عجل والله يتباهى يسجل التاريخ
عنه وتكتب حروفه00
موحبل العلى الرقبه طلع ملفوف
رقبه على الحبل طلعتنا ملفوفه
إذاً حق العرب تزعل عليه وتنوح
وقع خيالها والشمس مكسوفه
من زغرا عنيد وضد الاستعمار
أبوج الوصل لسابع جار معروفه
وإذا البصره أحزنت مصباح يوم العيد
يم تكريت طلعت تلطم الكوفه
وأجت نينوى00 محنيه الظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد اصبحت مذبوحه
إذاً تستاهل ينوح عليك شاعر مابطل نوحه
لأن إنت الوحيد الذي خليت
المشانق للرجال تصير مرجوحه
000000000
( إذا ما وجد أي خطأ في سياق القصيده أتمنى التصحيح 0 فالعهده على حاسة السمع والله المستعان )